2026-jıl 30-aprel kúni Taxtakópir rayonı «Dáwir» mákan puqaralar jıyını aymaǵındaǵı 5-sanlı mektepte xalıq bántligin támiyinlew, kambaǵallıq hám jumıssızlıq dárejesin qısqartıw boyınsha úgit-násiyatlaw ushırasıwı bolıp ótti. 

Ushırasıwda Xalıq deputatları rayonlıq Keńes deputatları Q.Jaliev, N.Primbetov hám de rayonlıq Kambaǵallıqtı qısqartıw hám bántlikke kómeklesiw bólimi baslıǵı orınbasarı A.Baymbetov hám «Insan» sociallıq xızmetler orayı bas qaniygesi Q. Ismamutovlar qatnasıp saylawshılarǵa jańadan qabıl etilgen qarar hám nızamlar, sonıń ishinde Qaraqalpaqstan ushın qabıl etilgen qarar, pármanlardıń mazmun-mánisin túsindiriwge qaratılǵan úgit-násiyat jumısları alıp barıldı.

Sonday-aq, qalalıq jerde jumıssızlıqtı qısqartıw, jaslar hám hayal-qızlardı jumıs penen bánt etiw boyınsha jańa jobalar hám imkaniyatlar keńnen túsindirildi.

Ásirese, hayal-qızlarǵa mámleketimiz tárepinen jaratılıp atırǵan jeńillikler haqqında tolıq maǵlıwmatlar berildi. Ushırasıw dawamında puqaralardı qızıqtırǵan sorawlarǵa juwap berilip, olardıń pikir-usınısları tıńlandı.

Bunday úgit-násiyat ilajları xalıqtıń huqıqıy sanasın arttırıw hám bar imkaniyatlardan nátiyjeli paydalanıwǵa xızmet etedi.