Xalq deputatlari Qo‘qon shahar Kengashiga “Noib ko‘prigi” saylov okrugidan saylangan deputat M.Yunusov tomonidan “Nonvoylik guzar” mahalla fuqarolar yig‘inida ijtimoiy reyestrga kiritilgan oilalarning ijtimoiy holatini o‘rganish, ularni reyestrdan chiqarish hamda doimiy daromad manbai bilan ta’minlash maqsadida xonadonlarga tashriflar amalga oshirilmoqda.

Navbatdagi o‘rganish davomida Do‘stlik ko‘chasi, 16-uyda istiqomat qiluvchi fuqaro N.Ergasheva xonadoniga tashrif buyurilib, oila a’zolari bilan suhbatlashildi.

Suhbat davomida oilaning yashash sharoiti, ijtimoiy holati, kundalik ehtiyojlari va mavjud muammolari bilan yaqindan tanishildi. Fuqarolarning murojaat va takliflari tinglanib, oilani qo‘llab-quvvatlash imkoniyatlari muhokama qilindi.

Shuningdek, oilani kelgusida barqaror daromad manbaiga ega qilish, bandligini ta’minlash va mavjud imkoniyatlardan samarali foydalanish masalalariga alohida e’tibor qaratildi.

O‘rganish davomida aniqlangan masalalar yuzasidan tegishli choralarni belgilash hamda oilaga amaliy ko‘mak ko‘rsatish bo‘yicha ishlarni davom ettirishga kelishib olindi.

Xalq deputatlari Qo‘qon shahar Kengashi