Olmaliq shahar Alisher Navoiy mahallasi hududida joylashgan 5-sonli umumta’lim maktabida navbatdagi o‘rganish ishlari olib borildi.

Ushbu jarayonda Xalq deputatlari Olmaliq shahar Kengashi Kotibiyat mudiri Sevara Qodirova hamda bosh mutaxassis Mukarram Nematullayeva ishtirok etishdi.

Sport zali va maydonlari: Maktabning yopiq sport zali va ochiq sport maydonlarining texnik holati, sanitariya-gigiyena talablariga muvofiqligi ko‘zdan kechirildi.

O‘quvchilarning darsdan tashqari vaqtda ham sport to‘garaklariga qatnashishi uchun barcha qulayliklar mavjudligi aniqlandi.

Zaxira anjomlari: Sport mashg‘ulotlari uchun zarur bo‘lgan koptoklar, turniklar va boshqa inventarlarning yetarli darajada ekanligi va ularning xavfsizligi tahlil qilindi.

O‘rganish davomida maktab ma’muriyatiga mavjud sport infratuzilmasidan samarali foydalanish hamda yoshlar o‘rtasida sog‘lom turmush tarzini yanada kengroq targ‘ib qilish yuzasidan tavsiyalar berildi.

"Sog‘lom avlod — yurt kelajagi. Maktablardagi sport maydonchalari har doim o‘quvchilar bilan gavjum bo‘lishi asosiy maqsadimizdir."