🤝 Xalq deputatlari Sherobod tumani Kengashining 17-G‘ambur saylov okrugi deputati S. To‘rayeva “Do‘stlik” mahalla yettiligi bilan navbatdagi uchrashuvni o‘tkazdi.

📌 Uchrashuv davomida mahalladagi mavjud holat, fuqarolarni qiynayotgan muammolar, aholi murojaatlari hamda hududni yanada rivojlantirishga qaratilgan vazifalar muhokama qilindi.

🏘️ Mahalla yettiligi vakillari tomonidan hududda amalga oshirilayotgan ishlar, aholining ehtiyojlari va dolzarb masalalar yuzasidan ma’lumotlar berildi.

🗣️ Deputat S. To‘rayeva fuqarolar bilan doimiy muloqotda bo‘lish, ularning murojaatlarini o‘rganish va mavjud muammolar yechimiga ko‘maklashish deputatlik faoliyatining muhim yo‘nalishlaridan biri ekanini ta’kidladi.

✅ Muloqot davomida aholi bandligini ta’minlash, ijtimoiy himoyaga muhtoj fuqarolarni qo‘llab-quvvatlash, mahalla obodonchiligi hamda boshqa dolzarb masalalar yuzasidan fikr almashildi.

🤝 Uchrashuv yakunida aniqlangan masalalarni hal etish bo‘yicha hamkorlikda ish olib borish va belgilangan vazifalarni amalga oshirish yuzasidan kelishib olindi.

🌱 Deputat va mahalla yettiligi o‘rtasidagi bunday uchrashuvlar aholi bilan ochiq muloqotni mustahkamlash, muammolarni o‘z vaqtida aniqlash va ularning yechimiga erishishda muhim ahamiyat kasb etadi.

Slide 1 of 3