Oʻzbekiston Respublikasi Oliy Majlis Senati Kengashining tavsiyasi asosida Xalq deputatlari shahar Kengashining Ijtimoiy soha masalalari boʻyicha doimiy komissiyasi aʼzosi Lenura Baydullayevaga biriktirilgan "Inson" ijtimoiy xizmatlar markazi faoliyati koʻzdan kechirildi.
Ushbu oʻrganish jarayonida Kengash Kotibiyatidan vakillar Sevar Qodirova hamda Mukarram Neʼmatullayeva ham faol ishtirok etdilar.
Oʻrganish doirasida quyidagi muhim yoʻnalishlarga alohida eʼtibor qaratildi:
🔹 Markaz faoliyati va sharoitlari: Ijtimoiy xizmatlar koʻrsatish jarayoni hamda fuqarolar uchun yaratilgan qulayliklar tahlil qilindi.
🔹 Moliyaviy shaffoflik: "Infratuzilma va ijtimoiy barqarorlik" jamgʻarmasi mablagʻlarining maqsadli va samarali sarflanishi batafsil oʻrganildi.
🔹 Qarorlar ijrosi: Shahar Kengashi qarorlarining ijro nazorati va tegishli meʼyoriy-huquqiy hujjatlarning yuritilishi koʻzdan kechirildi.
🔹 Ijtimoiy qoʻllab-quvvatlash: "Ijtimoiy reestr"ga kiritilgan fuqarolarga koʻrsatilayotgan yordamlar hamda ular boʻyicha olib borilayotgan monitoring ishlari atroflicha tahlil qilindi.

Ushbu amaliy tadbirdan koʻzlangan asosiy maqsad — aholining ijtimoiy himoyaga muhtoj qatlamiga koʻrsatilayotgan xizmatlar sifatini oshirish, ajratilayotgan mablagʻlarning manzilliligini taʼminlash va mahalliy Kengash qarorlari ijrosini qatʼiy nazoratga olishdan iboratdir.

Jarayonda aniqlangan va to'plangan ma'lumotlar komissiya muhokamasiga kiritidi.