Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq Kengash raisi O.Babayev tomonidan tumanning “Xumson” va “Ugam” mahallalariga biriktirilgan xotin-qizlar faoli X.Saidazimovaning mahallada xotin-qizlarni qo‘llab-quvvatlash, ularning ijtimoiy faolligini oshirish va muammolarini manzilli hal etish borasida amalga oshirayotgan ishlari o‘rganildi.

🔺O‘rganish jarayonida mahallada yashovchi xotin-qizlarning bandligini ta’minlash, kasb-hunarga o‘qitish, tadbirkorlikka jalb etish, ijtimoiy himoyaga muhtoj ayollarni qo‘llab-quvvatlash, tazyiq va zo‘ravonlikning oldini olish hamda oilalarda sog‘lom ma’naviy muhitni shakllantirish bo‘yicha amalga oshirilayotgan ishlar atroflicha muhokama qilindi.

🔺Shuningdek, "Ayollar daftari" bilan ishlash tizimi, ehtiyojmand xotin-qizlarni aniqlash, ularning murojaatlarini o‘z vaqtida ko‘rib chiqish, muammolarini tegishli tashkilotlar bilan hamkorlikda hal etish yuzasidan olib borilayotgan chora-tadbirlar tahlil qilindi. Xotin-qizlar faoli tomonidan mahallada muntazam ravishda uchrashuvlar, davra suhbatlari va ma’naviy-ma’rifiy tadbirlar tashkil etilayotgani, xotin-qizlarning huquqiy savodxonligini oshirish hamda ularning jamiyat hayotidagi faol ishtirokini ta’minlashga alohida e’tibor qaratilayotgani qayd etildi.