Кенгаш народных депутатов Пайарыкского района

Новости

Последние новости

Xalq deputatlari Payariq tumani Kengashining 17-Tomoyrot saylov okrugidan saylangan deputati Xudoyberdiyeva Xusniya Buriboyevna hududda faoliyat yuritayotgan tadbirkorlar bilan yaqindan muloqot qilib, ularning faoliyati, mavjud muammolari hamda kelgusidagi rejalari bilan qiziqdi.

Xalq deputatlari Payariq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi M.Nurmanova xotin-qizlar bilan yaqindan muloqot qilib, ularning bandligini ta’minlash, ish bilan ta’minlanish borasidagi murojaatlari hamda mavjud muammolarini o‘rgandi.

Xalq deputatlari Payariq tumani Kengashining 23-Pong saylov okrugidan saylangan deputati M.Nurmanova tomonidan O‘zbekiston Respublikasining 2016-yil 16-sentabrdagi O‘RQ-407-sonli “Ichki ishlar organlari to‘g‘risida”gi Qonuni mazmun-mohiyati tahlil qilindi.

Xalq deputatlari Payariq tumani Kengashining 6-Farovon saylov okrugidan saylangan deputati N.Ochilova tomonidan fuqarolarning murojaatlari bilan ishlash jarayonida fuqaro imtiyozli kredit olishda amaliy yordam so‘rab murojaat qildi.

Xalq deputatlari Payariq tumani Kengashining mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi kotibi M. Musurmonov tomonidan Xalq deputatlari Payariq tumani Kengashining 2026-yil 17-fevraldagi VII-22-20-7-100-K/26-son qarori ijrosi doirasida amalga oshirilayotgan ishlar o‘rganildi.

2026-yil 21-oktabr kuni Xalq deputatlari Payariq tumani Kengashi Agrar, suv xo‘jaligi va ekologiya masalalari bo‘yicha doimiy komissiyasining DKQ03-04/100-26-son qarori qabul qilindi.

Xalq deputatlari Payariq tumani Kengashining 8-O‘rtato‘sin saylov okrugidan saylangan deputati B.Shakarov G‘allakor mahallasida saylovchilar bilan uchrashdi.

Xalq deputatlari Payariq tumani Kengashiga kelib tushgan deputat so‘roviga javoban, maktabgacha ta’lim tashkilotlari xodimlariga bir martalik mukofot puli to‘lash tartibi tushuntirildi.

Xalq deputatlari Payariq tumani Kengashi Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi o‘rinbosari Sh.Mirzaqulov hamda Kengash kotibiyati mudiri J. Axunov tomonidan Beshqorgon mahallasida “Ochiq budjet” loyihasi doirasida asfaltlangan yo‘lning holati ko‘zdan kechirildi.

Xalq deputatlari Payariq tumani Kengashining 16-Mustaqillik saylov okrugidan saylangan deputati Muxabbat Kazakova tomonidan tumanda 2026-yilning III choragi davomida mahalliy budjetga tushumlar holati o‘rganildi.

MAHALLIY KENGASHLAR FAOLIYATINI TAKOMILLASHTIRISH MASALALARI MUHOKAMA QILINDI

#kotibiyat_xodimi_faoliyati

MAHALLIY KENGASHLAR FAOLIYATINI TAKOMILLASHTIRISH MASALALARI MUHOKAMA QILINDI

Joriy yilning 6-oktabr kuni viloyatda faoliyat yuritayotgan mahalliy Kengashlar faoliyatini yanada samarali tashkil etish, belgilangan vazifalar ijrosini ta’minlash hamda mavjud kamchiliklarni bartaraf etish masalalariga bag‘ishlangan navbatdagi yig‘ilish o‘tkazildi.

Unda Kengash kotibiyati xodimlari ishtirok etib, kun tartibidan Senat markazi tomonidan belgilangan topshiriqlar, Kengashlarning ish rejasida nazarda tutilgan vazifalar va deputatlar faoliyatining eng muhim 24 ta yo‘nalishi bo‘yicha tavsiyalar ijrosini ta’minlash masalalari o‘rin oldi.

Yig‘ilishda deputatlarning saylov okruglarida deputatlik nazorat-tahlil tadbirlarini muntazam tashkil etishi, saylovchilar bilan bevosita muloqot qilishi, aholini qiynayotgan muammolarni joyiga chiqqan holda o‘rganishi muhim vazifa sifatida qayd etildi.

Shuningdek, 162 ta eng muhim qonun hujjatlari ijrosini o‘rganish, mahalla yettiligi bilan hamkorlikni kuchaytirish, aniqlangan muammolarni tegishli tashkilotlar bilan birgalikda hal etish hamda Kengash tomonidan qabul qilinayotgan qarorlarning huquqiy asoslari va qonunchilik talablariga muvofiqligini ta’minlash yuzasidan fikr almashildi.

Kun tartibidagi masalalar bo‘yicha Kengash kotibiyati bosh mutaxassislari tomonidan faoliyat davomida uchrayotgan kamchilik va muammolar tahlil qilinib, ularni bartaraf etish bo‘yicha amaliy takliflar bildirildi.

Yig‘ilish yakunida tuman va shahar Kengashlari kotibiyatlari xodimlari tomonidan amalga oshirilayotgan ishlar, mavjud tajribalar hamda kelgusidagi faoliyatni takomillashtirish yuzasidan taklif va fikr-mulohazalar bildirildi.

Muhokamalar asosida mahalliy Kengashlar faoliyatini yanada takomillashtirish, deputatlar bilan ishlash samaradorligini oshirish va belgilangan vazifalar ijrosini kuchaytirish bo‘yicha tegishli vazifalar belgilab olindi.

Slide 1 of 3