Sessiyanı Keńes baslıǵı G.Yusupova basqarıp bardı.
Sessiya reglamenti belgilenip, deputatlar májilis xatkeri hám kún tártibin tastıyıqladı.
Sessiyaǵa rayonlıq Keńes deputatları, Keńes janındaǵı jaslar másláhát toparı, ekspert aǵzaları, hákim orınbasarları, siyasiy partiyalar, rayonlıq mákeme, shólkemler, puqaralar jıyınları hám ǵalaba xabar qurallarınıń wákilleri qatnastı.
Sessiya jumısı Keńestiń social tarmaqtaǵı arnawlı betlerinde tuwrıdan-tuwrı jarıtılıp barıldı.
Rayon hákimi A.Baymuratov sózge shıģıp, Prezidentimizdiń Qaraqalpaqstanģa saparı hám ajıratılģan jeńillik, imkaniyatlar, ótkerilgen májiliste belgilengen wazıypalardan kelip shıģıp rayonda ámelge asırılatuģın jumıslar haqqında maģlıwmat berdi. Sessiyada dáslep rayon hákimi orınbasarı A.Sarsenbaevtıń Qaraózek rayonı jergilikli byudjet dáramatları rejesiniń 2026-jıldıń birinshi hám ekinshi sheregi jaǵdayına arttırıp orınlanǵan bólegi esabınan qarjılardıń bólistiriliwi hámde rayon aymaǵındaǵı sociallıq-ekonomikalıq rawajlandırıwǵa qaratılǵan jámiyetshilik pikiri tiykarında tańlap alınǵan usınıslardı qarjılandırıw haqqındaǵı usınısları dodalanıldı hám deputatlar tárepinen sheshim qabıl etildi. Sonday-aq, sessiya kún tártibindegi Ózbekstan Respublikasınıń 2024-jıl 5-avgust kúngi ÓRN-937-sanlı Nızamına tiykar Qaraózek rayonında ámelge asırılǵan jumıslar haqqında rayon hákimi orınbasarı G.Ametovtıń esabatı hám Qaraózek rayonı abadanlastırıw basqarmasınıń oraylıq kósheler boyında jaylasqan isbilermenlik subyektleri menen dúzilgen shártnamalar tiykarında shıǵındılardı alıp shıǵıw hám aymaqlardı abadanlastırıw xızmetleri ushın tariflerdi tastıyıqlaw haqqındaǵı usınısı dodalandı. Sonday-aq, Qaraózek rayonı hákiminiń jaslar siyasatı, sociallıq rawajlandırıw hám ruwxıy-aǵartıwshılıq máseleleri boyınsha orınbasarınıń 2026-jıl altı ayı dawamında jaslar mashqalaların sheshiw hám olardıń talantı, qábiletin rawajlandırıw, ruwxıy-aǵartıwshılıq jumıslar boyınsha hám Ózbekstan hám Qaraqalpaqstan Respublikasınıń “Mámleketlik tili haqqında”ǵı, “Reklama haqqında”ǵı Nızamlarınıń orınlanıw barısı boyınsha rayon hákimi orınbasarı N.Abdireymovtıń esabatı kórip shıǵıldı.
ÓzMTDP deputatlıq toparı esabat boyınsha usınıs bildirip, tiyislisinshe sheshim qabıl etildi. Sessiyada Qaraózek rayonı aymaǵında ataması ózgertilip atırǵan kósheler haqqındaǵı rayon hákimligi janındaǵı geografiyalıq obyektlerge atama beriw hám qayta atama beriw máselelerin muwapıqlastırıwshı komissiyasınıń usınısı dodalanıldı hám deputatlar tárepinen sheshim qabıl etildi. Sessiya kún tártibindegi Qaraózek rayonlıq medicina birlespesi tárepinen 2026-jıldıń dáslepki altı ayı dawamında ámelge asırılǵan jumısları haqqında birlespe baslıǵı A.Aljanovtıń esabatı dodalanıldı hám deputatlar tárepinen usınıslar tiykarında sheshim qabıl etildi. Xalıq deputatları rayonlıq Keńesiniń turaqlı komissiyaları tárepinen usınılǵan máseleler tolıǵı menen kórip shıǵılıp, sheshimler qabıl etildi. Deputatlar, siyasiy partiya deputatlıq toparları tárepinen kún tártibindegi máseleler boyınsha pikir, usınıslar bildirdi, tarawlarda aldaǵı isleniwi tiyis wazıypalar belgilendi hám jigirma úshinshi sessiya óz jumısın juwmaqladı.