Новости
Последние новости
янв.21
Xalq deputatlari Payariq tumani Kengashi kotibiyati mudiri J. Axunov Nakurt mahallasida ko‘cha boshilari va mahalla oqsoqollari bilan uchrashib, hududda amalga oshirilayotgan ishlar hamda mahalla hayotidagi yangiliklar bilan tanishdi.янв.21
Xalq deputatlari Payariq tumani Kengashi kotibiyati mudiri J.Axunov hamda Adliya vazirligi huzuridagi “Madad” nodavlat notijorat tashkiloti rahbari O‘.Egamberdiyev tuman Davlat xizmatlari markazida bo‘lib, muassasa faoliyati bilan yaqindan tanishdilar.янв.21
Xalq deputatlari Payariq tumani Kengashining 22-To‘polos saylov okrugidan saylangan deputati X.Raxmonova aholi bilan uchrashib, bandlik masalalari yuzasidan yaqindan suhbatlashdi.янв.21
Xalq deputatlari Payariq tumani Kengashi Ijtimoiy soha, yoshlar siyosati, madaniyat va sport masalalari bo‘yicha doimiy komissiyasining yig‘ilishida tumanda yoshlarning qonuniy manfaatlarini himoya qilish, ularni qo‘llab-quvvatlash, bandligini ta’minlash hamda bo‘sh vaqtini mazmunli tashkil etish borasida amalga oshirilayotgan ishlar muhokama qilindi.янв.21
Xalq deputatlari tuman Kengashining 18-Urtasaydov saylov okrugi deputati L.Djamolova yo‘l-patrul xizmati xodimlari bilan hamkorlikda tumandagi 78-umumta’lim maktabida bo‘ldi.янв.21
Xalq deputatlari Payariq tumani Kengashi Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi M.Nurmanova hamda hokimlik xodimi bilan birgalikda tadbirkorlar bilan uchrashdi.янв.21
Xalq deputatlari Payariq tumani Kengashining 3-Paxtakor saylov okrugidan saylangan deputati M.Musurmanov aholi kundalik hayotida eng zarur bo‘lgan oziq-ovqat va boshqa mahsulotlarning narx-navosi hamda bozorlarda mahsulotlar yetarliligi bilan yaqindan tanishdi.янв.21
Xalq deputatlari viloyat Kengashi deputatlari S.Norboyeva va Z.Yusupova, tuman Kengashi raisi A.Tavboyev, kotibiyat mudiri J.Axunov hamda doimiy komissiya raisi A.Maxammatov ishtirokida hamkorlikda amalga oshiriladigan ishlar muhokama qilindi.янв.21
Xalq deputatlari Payariq tumani Kengashi deputati tomonidan maktabgacha ta’lim tashkilotlari xodimlariga bir martalik mukofot puli to‘lanishi masalasi o‘rganildi.янв.21
Xalq deputatlari Payariq tumani Kengashining mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi kotibi M. Musurmonov tomonidan Xalq deputatlari Payariq tumani Kengashining 2026-yil 17-fevraldagi VII-22-20-7-100-K/26-son qarori ijrosi doirasida amalga oshirilayotgan ishlar o‘rganildi.#haftalik_ish_reja_ijrosi #24_ta_tavsiyalar_ijrosi #19_band #doimiy_komissiya_faoliyati #ekspert_guruhi #deputat_faoliyati #kotibiyat_xodimi_faoliyati Madaniyat va san’at maskani — deputatlik nazoratida
Yosh avlodning estetik didini yuksaltirish, ma’naviy dunyoqarashini boyitish, bolalarni teatr san’atiga keng jalb etish hamda madaniyat muassasalarida yaratilgan shart-sharoitlarni yaxshilash — deputatlik nazoratining muhim yo‘nalishlaridan biridir.
Xalq deputatlari Termiz shahar Kengashi kotibiyati mudiri, deputat A.Ashurov hamda Kengashning Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi, ekspert guruhi rahbari A.Mustafakulov tomonidan Surxondaryo viloyat qo‘g‘irchoq teatrida deputatlik nazorati doirasida o‘rganish olib borildi.
O‘rganish “Mahalliy Kengash deputati faoliyatining eng muhim 24 ta yo‘nalishi”ning 19-bandi — hududdagi madaniyat muassasalari, muzeylar va kutubxonalar holatini o‘rganish yo‘nalishi asosida tashkil etildi.
O‘rganish davomida:
teatrning kadrlar salohiyati va shtatlar jadvali;
xodimlarning ma’lumoti va tarkibiy tuzilmasi;
ijodiy jamoa faoliyati;
mavjud bo‘sh ish o‘rinlari;
spektakllar namoyishi va tomoshabinlar qamrovi;
muassasaning moddiy-texnik ta’minoti hamda yaratilgan sharoitlar tahlil qilindi.
Teatrning tasdiqlangan shtatlar jadvali 64,5 birlikni tashkil etib, ayni paytda 64 nafar xodim faoliyat yuritmoqda.
Shundan:
16 nafari — oliy ma’lumotli;
31 nafari — o‘rta-maxsus ma’lumotli;
17 nafari — o‘rta ma’lumotli.
Muassasada 2 ta shtat birligida bo‘sh ish o‘rni mavjudligi ham qayd etildi.
Teatr jamoasi tomonidan yosh tomoshabinlarga sifatli madaniy xizmat ko‘rsatish, sahna asarlarini namoyish etish va ma’naviy-ma’rifiy tadbirlarni tashkil etish borasida izchil ishlar olib borilmoqda.
2026-yilning 6 oyi davomida jami 236 ta ma’naviy-ma’rifiy tadbir va sahna namoyishlari tashkil etilib, minglab jajji tomoshabinlarning teatr san’atidan bahramand bo‘lishiga imkon yaratildi.
“Qo‘g‘irchoq teatri — bolalar qalbida ezgulik, go‘zallik va san’atga mehr uyg‘otadigan muhim madaniyat maskanidir. O‘rganish davomida teatrning ijodiy faoliyati va yaratilgan sharoitlar bilan yaqindan tanishdik. Mavjud bo‘sh ish o‘rinlarini malakali mutaxassislar bilan to‘ldirish, spektakllar sifatini yanada oshirish hamda moddiy-texnik bazani mustahkamlash bo‘yicha zarur tavsiya va takliflar bildirildi”.
Madaniyat va san’at muassasalari faoliyatini takomillashtirish, yosh avlodning ma’naviy hordig‘ini mazmunli tashkil etish hamda sohada mavjud muammolarni bartaraf etish masalalari deputatlik nazoratida davom ettiriladi.