Xalq deputatlari Qo‘qon shahar Kengashi deputati, Kengashning “Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha” doimiy komissiyasi a’zosi X.Abdullayev, Kengash kotibiyatining bosh mutaxassisi A.Adxamov hamda O‘zbekiston Ekologik partiyasi Qo‘qon shahar Kengashi raisi A.Akbarov tomonidan Qo‘qon shahar soliq inspeksiyasida o‘rganish ishlari olib borildi.

O‘rganish davomida Qo‘qon shahar soliq inspeksiyasi boshlig‘ining 1-o‘rinbosari I.Nizomitdinov bilan joriy yilning iyul oyi mahalliy byudjet reja ko‘rsatkichlari ijrosi, byudjet daromadlarini oshirish, soliq tushumlarini o‘z vaqtida ta’minlash hamda soliq intizomini mustahkamlash yuzasidan amalga oshirilayotgan ishlar muhokama qilindi.

Shuningdek, soliq va soliqqa oid huquqbuzarliklarning oldini olish, boqimanda qarzdorliklarni qisqartirish va undirish, soliq to‘lovchilarning qonunchilikka rioya etishini ta’minlash borasida ko‘rilayotgan amaliy choralar yuzasidan fikr almashildi.

O‘rganish jarayonida mahalliy byudjet reja ko‘rsatkichlarini to‘liq bajarish maqsadida qo‘shimcha daromad manbalarini aniqlash, yashirin iqtisodiyot holatlarining oldini olish, norasmiy faoliyat yuritayotgan subyektlarni qonuniy faoliyatga jalb etish hamda soliq bazasini kengaytirish bo‘yicha amalga oshirilayotgan ishlar tahlil qilindi.

Xalq deputatlari Qo‘qon shahar Kengashi