Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan navbatdagi sessiya kun tartibiga kiritilgan “Pastdarg‘om tumani mahalliy budjetining qo‘shimcha manbalari hisobidan mablag‘larni yo‘naltirish to‘g‘risida”gi masalani har tomonlama ko‘rib chiqish maqsadida tuman Moliya bo‘limiga tegishli xulosa taqdim etish yuzasidan rasmiy xat yuborildi.

Mazkur xulosa orqali mablag‘larning shakllanish manbalari, ularni yo‘naltirishning moliyaviy asoslari, amaldagi qonunchilik talablariga muvofiqligi hamda mablag‘lardan samarali foydalanish yuzasidan asoslantirilgan ma’lumotlar olinishi ko‘zda tutilgan.

Doimiy komissiya tomonidan olingan xulosa sessiya materiallarini sifatli tayyorlash, masalani har tomonlama tahlil qilish, deputatlar tomonidan asosli qaror qabul qilinishiga xizmat qiladi.