Кенгаш народных депутатов Пайарыкского района

35 yil

Yagona vatan, yagona xalq bo'lib, yangi hayot va kelajak yaratamiz!

Новости

Последние новости

Xalq deputatlari Payariq tumani Kengashining Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi a’zosi O‘.Omonov tomonidan “Beshqo‘rg‘on” mahallasidagi 16-son umumta’lim maktabida kuz-qish mavsumiga tayyorgarlik ishlari joyida o‘rganildi.

Xalq deputatlari Payariq tumani Kengashining 2-Dehqonobod saylov okrugidan saylangan deputati S.Maxkamov Juvozxona mahallasida bo‘lib, mahalla raisi bilan birgalikda hududda o‘rnatilgan quyosh panellarining ishlash holati va ulardan foydalanish samaradorligini joyida o‘rgandi.

Xalq deputatlari Payariq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi M.Nurmanova hamda Yoshlar maslahat guruhi a’zosi F.O‘ktamov tomonidan Ahmad Yassaviy mahallasida amalga oshirilayotgan avtomobil yo‘lini rekonstruksiya qilish ishlari joyiga chiqib o‘rganildi.

Xalq deputatlari Payariq tumani Kengashi kotibiyati mudiri J.Axunov kunlik ish rejasiga muvofiq, tuman Kengashi deputati O‘.Omonov bilan birgalikda Beshqo'rg'on mahallasida joylashgan 15-sonli umumta’lim maktabida amalga oshirilayotgan ishlar hamda belgilangan dasturlar ijrosi bilan yaqindan tanishdi.

Xalq deputatlari Payariq tumani Kengashining 6-Farovon saylov okrugidan saylangan deputati N.Ochilova tomonidan Go‘zal mahallasida fuqarolar bilan uchrashuv o‘tkazilib, ularning murojaat va takliflari o‘rganildi.

Xalq deputatlari Payariq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi A.Maxammatov tomonidan 4-maktabda olib borilayotgan qurilish ishlari joyiga chiqib o‘rganildi.

Xalq deputatlari Payariq tumani Kengashining 2-“Dehqonobod” saylov okrugidan saylangan deputati Maxkamov Sobir Tuxtamishovich tomonidan tumandagi 54-son umumta’lim maktabida yangi 2026–2027-o‘quv yiliga tayyorgarlik ishlari o‘rganildi.

Xalq deputatlari Payariq tumani Kengashining 8-O‘rtato‘sin saylov okrugidan saylangan deputati B.Shakarov tomonidan G‘allakor mahallasida profilaktika inspektorlari bilan birgalikda Kengashning navbatdagi sessiyasi kun tartibiga kiritilgan 2026-yil II choragida huquqbuzarliklarning oldini olish va ularning profilaktikasi holati yuzasidan tuman Ichki ishlar bo‘limi boshlig‘i hisobotiga oid masalalar yuzasidan o‘rganish olib borildi.

Xalq deputatlari Payariq tumani Kengashi deputati Z.Turdiyev tomonidan 9-Botmon saylov okrugi hududida istiqomat qiluvchi fuqarolar bilan uchrashuv o‘tkazilib, ularning taklif va murojaatlari tinglandi.

Xalq deputatlari Payariq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi yig‘ilishida O‘zbekiston Respublikasi Vazirlar Mahkamasining 2025-yil 6-yanvardagi 1-sonli “Davlat maktabgacha ta’lim tashkilotlarida sog‘lom ovqatlantirish tartibini takomillashtirish chora-tadbirlari to‘g‘risida”gi qarori hamda davlat maktabgacha ta’lim tashkilotlarida bolalar hayoti va sog‘lig‘ini muhofaza qilish, umumiy xavfsizlik talablariga rioya etilishi holati yuzasidan masala muhokama qilindi.

Kengash kotibiyati samarali mahalliy boshqaruvning muhim bo‘g‘ini

Xalq deputatlari mahalliy Kengashi kotibiyati Kengashning doimiy faoliyat yurituvchi ishchi organi hisoblanib, uning samarali faoliyatini tashkiliy, huquqiy, axborot-tahliliy va texnik jihatdan ta’minlaydi. Kotibiyat Kengashning vakolatlarini to‘laqonli amalga oshirish, deputatlar faoliyatini qo‘llab-quvvatlash hamda qabul qilingan qarorlarning ijrosini nazorat qilishda muhim o‘rin tutadi.

Kotibiyat tomonidan Xalq deputatlari Kengashi sessiyalari va doimiy komissiyalar yig‘ilishlarini tashkil etish, kun tartibini shakllantirish, qaror loyihalarini tayyorlash hamda Kengash hujjatlarini belgilangan tartibda rasmiylashtirish ishlari amalga oshiriladi. Shuningdek, deputatlarning faoliyatini tashkiliy va axborot jihatdan qo‘llab-quvvatlash, fuqarolar murojaatlari hamda deputatlik so‘rovlarini ko‘rib chiqish va ularning ijrosini muvofiqlashtirish kotibiyatning asosiy vazifalaridan biridir.

Bundan tashqari, Kengash qarorlari ijrosi ustidan monitoring olib borish, tahliliy ma’lumotlar va axborot materiallarini tayyorlash, davlat organlari, korxona va tashkilotlar bilan samarali hamkorlikni yo‘lga qo‘yish orqali hududni ijtimoiy-iqtisodiy rivojlantirishga xizmat qiluvchi tashabbuslar qo‘llab-quvvatlanadi.

Mahalliy Kengash kotibiyati o‘z faoliyatini O‘zbekiston Respublikasi Konstitutsiyasi, **"Mahalliy davlat hokimiyati to‘g‘risida"**gi Qonun, **"Xalq deputatlari mahalliy Kengashi deputatining maqomi to‘g‘risida"**gi Qonun hamda boshqa normativ-huquqiy hujjatlar asosida amalga oshiradi.

Kotibiyat faoliyatining asosiy maqsadi – deputatlar faoliyati uchun zarur shart-sharoitlarni yaratish, Kengash ishini samarali tashkil etish, qabul qilinayotgan qarorlarning sifatli ijrosini ta’minlash hamda davlat organlari va aholi o‘rtasidagi samarali hamkorlikni mustahkamlashdan iborat. Shu orqali hududni barqaror rivojlantirish, ochiqlik va shaffoflik tamoyillarini qaror toptirishga munosib hissa qo‘shiladi.