Xalq deputatlari Marg‘ilon shahar Kengashining 7-Bahrin saylov okrugi deputati M.Raimdjanov tomonidan Bahrin mahalla fuqarolar yig‘ini hududida O‘zbekiston Respublikasi Prezidentining PQ–406-son qarori, O‘zbekiston Respublikasi Oliy Majlisi Senati Kengashining KQ–35–V-son qarori hamda mahalliy Kengash deputati faoliyatining eng muhim yo‘nalishlari bo‘yicha belgilangan 24 ta tavsiya ijrosi yuzasidan o‘rganish ishlari olib borildi.

O‘rganish davomida mahallaga biriktirilgan soliq inspektori tomonidan zimmasiga yuklatilgan vazifalarning bajarilishi holati tahlil qilinib, soliq ma’murchiligini takomillashtirish, tadbirkorlik subyektlari bilan ishlash va aholi o‘rtasida soliq madaniyatini yuksaltirish borasida amalga oshirilayotgan ishlar ko‘zdan kechirildi.

Shuningdek, O‘zbekiston Respublikasining 2021-yil 22-apreldagi “Davlat xaridlari to‘g‘risida”gi O‘RQ–684-son Qonuni ijrosi doirasida davlat mablag‘laridan maqsadli, samarali va shaffof foydalanish, ajratilgan moliyaviy resurslarning belgilangan yo‘nalishlarda o‘zlashtirilishi hamda qonun talablari asosida amalga oshirilayotgan ishlar yuzasidan ham o‘rganish olib borildi.

O‘rganishlar davomida hududda aholining bandligini ta’minlash va oilaviy tadbirkorlikni qo‘llab-quvvatlash maqsadida ajratilgan kredit mablag‘larining maqsadli sarflanishi ham joyiga chiqib o‘rganildi. Jumladan, Mustaqillik ko‘chasi 1-uyda istiqomat qiluvchi Qosimov Elyorbek Yulbarsovichga nonvoychilik faoliyatini yo‘lga qo‘yish uchun ajratilgan 10 million so‘mlik kreditning o‘zlashtirilishi va faoliyat holati bilan yaqindan tanishildi.

Shuningdek, Navoiy ko‘chasi 342-uyda yashovchi Mamadaliyev Ilhomjon Erkinjon o‘g‘li hamda Mamadaliyev Doniyorjon Erkinjon o‘g‘li tomonidan oilaviy tadbirkorlik asosida varaqi somsa tayyorlash va sotish faoliyatini rivojlantirish uchun ajratilgan 35 million so‘mlik kredit mablag‘larining maqsadli sarflanishi, faoliyatning bugungi holati va yaratilgan ish o‘rinlari o‘rganildi.

O‘rganish yakunlari bo‘yicha aniqlangan masalalar yuzasidan tegishli tavsiyalar berilib, ajratilgan mablag‘lardan samarali foydalanish, tadbirkorlik faoliyatini yanada rivojlantirish hamda belgilangan vazifalar ijrosini sifatli ta’minlash yuzasidan mas'ullarga tegishli ko‘rsatmalar berildi. Mazkur yo‘nalishdagi ishlar deputatlik nazorati doirasida muntazam monitoring qilib borilishi ta’kidlandi.