2026-yil 1-iyul kuni Xalq deputatlari Shovot tumani Kengashi kotibiyat mudiri I. Masharipov hamda tuman Kengashi deputati G. Dosova tomonidan Shovot tumanining Istiqbol mahallasida o‘rganish ishlari olib borildi.
O‘rganish davomida Istiqbol mahallasi Madaniyat ko‘chasida joylashgan ko‘p qavatli uylarning tom qismi tabiiy ofat oqibatida shikastlanib, ta’mirtalab holatga kelgani aniqlandi. Mazkur holat yuzasidan Shovot tumani hokimligi Qurilish va uy-joy kommunal xo‘jaligi bo‘limi boshlig‘i B. Bayjonov nomiga 88-ds-448-26-son deputat so‘rovi yuborildi.
Deputat so‘rovi asosida mas’ul tashkilot mutaxassislari Xalq deputatlari Shovot tumani Kengashi kotibiyat mudiri I. Masharipov ishtirokida obyektga chiqib, holatni batafsil o‘rgandilar.
O‘rganish yakunlari bo‘yicha deputat so‘rovida ko‘tarilgan masalani bartaraf etish yuzasidan zarur choralar ko‘rilishi hamda ko‘p qavatli uylarning tom qismini ta’mirlash ishlari 2026-yil avgust oyida to‘liq yakunlanishi rejalashtirilgani ma’lum qilindi.
Xalq deputatlari Shovot tumani Kengashi tomonidan mazkur masalaning ijrosi doimiy nazoratga olingan bo‘lib, belgilangan muddatlarda ta’mirlash ishlarining sifatli va to‘liq bajarilishi yuzasidan monitoring ishlari davom ettiriladi.