"Mirsaid Bahrom" mahallasidagi oʻrganishlar amaliy natijalar bilan davom etmoqda. Xalq deputatlari Karmana tumani Kengashi deputati Gulnoza Shermatova hamda mahalla hokim yordamchisi hamkorligida hududdagi istiqbolli loyihalar ijrosi xonadonbay yurish orqali koʻzdan kechirildi.
Xususan, ushbu mahallada istiqomat qiluvchi fuqarolardan biriga chorvachilik yoʻnalishini yoʻlga qoʻyish va rivojlantirish maqsadida hokim yordamchisining amaliy koʻmagi bilan 50 million soʻm miqdorida imtiyozli kredit mablagʻi ajratilgan edi. Fuqaro ushbu mablagʻ evaziga xonadoniga qoʻy sotib olib, oilaviy tadbirkorlikni boshlagan.
Amaliy natija: Deputat va hokim yordamchisi mazkur xonadonda boʻlib, ajratilgan kredit mablagʻining maqsadli ishlatilishi, chorva mollarining parvarishlanishi hamda yaratilgan sharoitlarni yaqindan oʻrgandilar.
Suhbat davomida xonadon egasi bugungi kunda yaratilayotgan bunday imkoniyatlardan mamnunligini, berilgan kredit oila daromadini oshirishga va bandligini taʼminlashga katta turtki boʻlganini taʼkidladi.
Bu kabi loyihalar mahallada nafaqat tadbirkorlikni rivojlantirish, balki aholi farovonligini yuksaltirishda ham muhim omil boʻlib xizmat qilmoqda.