Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat J.Sadirov tomonidan kotibiyat xodimi N.Kurganova ishtirokida tuman Kambag‘allikni qisqartirish va bandlikka ko‘maklashish bo‘limida Oʻzbekiston Respublikasining “Aholi bandligi to‘g‘risida”gi Qonuni ijrosi o‘rganildi.

🔺O‘rganish jarayonida aholini doimiy ish bilan ta’minlash, o‘zini o‘zi band qilish, kasb-hunarga o‘qitish va ijtimoiy himoyaga muhtoj oilalarni qo‘llab-quvvatlash bo‘yicha olib borilayotgan ishlar tahlil qilindi. Xususan, bo‘lim tomonidan ishsiz fuqarolarni mehnat bozoriga jalb qilish, yoshlar va xotin-qizlarni tadbirkorlikka yo‘naltirish, bo‘sh ish o‘rinlari yarmarkalarini tashkil etish hamda kambag‘al oilalar bilan “xonadonbay” ishlash tizimi asosida amaliy choralar ko‘rilayotgani ta’kidlandi. Shuningdek, o‘zini o‘zi band qilgan fuqarolarni ro‘yxatga olish, ularga imtiyoz va yengilliklar haqida tushuntirish ishlari ham o‘rganildi.

🔺O‘rganish davomida murojaatlar bilan ishlash, aholini kasbga o‘qitish markazlariga jalb qilish, subsidiya va kredit ajratish jarayonlarining shaffofligi ham ko‘rib chiqildi. Deputat ayrim yo‘nalishlarda amaliy natijadorlikni yanada oshirish, ishsiz fuqarolar bilan manzilli ishlashni kuchaytirish, ayniqsa yoshlar bandligini ta’minlash bo‘yicha qator taklif va tavsiyalar berdi.

🔺Shu bilan birga, aholi daromadlarini oshirish va yangi ish o‘rinlari yaratish davlat siyosatida ustuvor vazifalardan biri ekani, bu borada qabul qilinayotgan qarorlar joylarda samarali ijro etilishi muhimligi qayd etildi.