Yoshlar muammolari o’rganildi.

Baxmal tumanida “Ko‘mak” loyihasi orqali faoliyatini kengaytirgan Exact Academy o‘quv markazi faoliyati o‘rganildi.
Xalq deputatlari tuman Kengashiga 1-“O’smat” saylov ogrugidan saylangan deputat, tuman hokimi Aziz Ergashev o‘quv markazida yaratilgan sharoitlar, ta’lim jarayoni hamda yoshlar uchun tashkil etilayotgan imkoniyatlar bilan tanishdi.
Ma’lumot uchun, “Ko‘mak” loyihasi xorijiy tillar bo‘yicha C1 darajadagi milliy yoki unga tenglashtirilgan xalqaro sertifikatga ega bo‘lgan (sertifikat olinganiga 2 yildan oshmagan) hamda chet tillariga ixtisoslashgan o‘quv markazi tashkil etish istagidagi yoshlarni qo‘llab-quvvatlashga qaratilgan.
Bugungi kunda Exact Academy o‘quv markazi ham ushbu imtiyozlardan samarali foydalanib, o‘z faoliyatini kengaytirish va yoshlarning sifatli ta’lim olishi uchun zarur sharoitlarni yaratish yo‘lida faol ish olib bormoqda.