Mahallalarda aholi, ayniqsa yoshlar va bolalarning sport bilan muntazam shug‘ullanishlari uchun yaratilgan sharoitlarni o‘rganish hamda sog‘lom turmush tarzini keng targ‘ib etish maqsadida sport inshootlari faoliyati o‘rganilmoqda.Xalq deputatlari Parkent tumani Kengashi deputati,doimiy komissiya raisi Maxmudova Baxtinisa Zuxriddinovna hamda deputat Ashirmatova Xurshida Soliyevnalar Parkent tumani sport maktabida bo‘lib, aholining sport bilan shug‘ullanishi uchun yaratilgan sharoitlar, mavjud infratuzilma va sport inshootlarining holati bilan tanishdi.O‘rganish davomida sport maktabida olib borilayotgan ishlar, sport to‘garaklari faoliyati, mashg‘ulotlar jarayoni hamda sport anjomlarining holati ko‘zdan kechirildi. Shuningdek, yoshlarni sportga keng jalb etish, ularning bo‘sh vaqtini mazmunli tashkil etish va sport sohasini yanada rivojlantirish masalalariga alohida e’tibor qaratildi.Yakunda sport maktabi mas’ullariga mavjud imkoniyatlardan samarali foydalanish, sport infratuzilmasini takomillashtirish hamda yoshlarning qiziqish va ehtiyojlaridan kelib chiqib sport yo‘nalishlarini rivojlantirish yuzasidan tegishli tavsiyalar bildirildi. Deputatlar tomonidan bu boradagi ishlarni tizimli davom ettirish muhimligi ta’kidlandi.