“Zarobod” saylov okrugida aholi murojaatlari o'rganildi

Xalq deputatlari tuman Kengashi kotibiyati mudiri, 4-Zarobod saylov okrugidan saylangan deputat K. Muhammadiyev "Zarobod" mahallasida mas’ullar bilan birgalikda boquvchisini yo‘qotgan oila xonadonida bo‘lib, ularning holidan habar oldi.

Tashrif davomida oila a’zolarining yashash sharoiti, ijtimoiy ahvoli va mavjud muammolari atroflicha o‘rganildi. Suhbat jarayonida oilani har tomonlama qo‘llab-quvvatlash, ijtimoiy yordamlarni o‘z vaqtida yetkazish hamda zarur ko‘maklarni tashkil etish masalalari muhokama qilindi.

Shuningdek, mas’ullarga ushbu oilaning muammolarini tizimli ravishda hal etish, ularni doimiy e’tiborda tutish hamda qo‘shimcha imkoniyatlar yaratish yuzasidan tegishli tavsiyalar berildi.

Bu kabi e’tibor va g‘amxo‘rlik ishlari aholining ijtimoiy himoyasini kuchaytirish va ehtiyojmand oilalarni qo‘llab-quvvatlashda muhim ahamiyat kasb etadi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram

#K_Muhammadiyev