Sessiyaǵa rayonlıq Keńes deputatları, siyasiy partiyalar, Keńes janındaǵı jaslar másláhát toparı hám ekspert toparı aǵzaları, hákim orınbasarları, rayonlıq mákeme, shólkemler hám ǵalaba xabar qurallarınıń wákilleri qatnastı.

Sessiya kún tártibinde dáslep rayon hákimi orınbasarları I.Kosibaev hám G.Ametovlardıń 2025-jıldıń birinshi yarım jıllıǵı dawamında ámelge asırılǵan jumısları boyınsha esabatları tıńlandı.

Sessiya kún tártibindegi rayonlıq salıq inspekciyası baslıǵı J.Kazbekovtıń jergilikli byudjet dáramatlarınıń orınlanıw jaǵdayı, qosımsha rezervlerdi anıqlaw boyınsha islengen jumıslar, salıqlar hám basqa da májbúriy tólemler kesiminde byudjetke esaplanǵan hám ámelde óndirilgen, sonday-aq, salıq qarızdarlıǵı boyınsha alıp barılıp atırǵan jumısları haqqında hám Ishki isler bóliminiń jámiyetlik qáwipsizlik xızmeti bólimi tárepinen 2025-jıldıń avgust ayı dawamında ámelge asırılǵan jumıslar haqqında rayonlıq Ishki isler bólimi baslıǵınıń orınbasarı M.Alievlerdiń esabatları tıńlandı. unnan soń sessiya kún tártibindegi ekonomika hám finans bólimi baslıǵınıń orınbasarı D.Pirniyazovanıń Qaraózek rayonı jergilikli byudjetiniń 2025-jıl ekinshi sheregi jaǵdayına rayon byudjetiniń erkin qaldıǵı esabınan qarjılardıń bólistiriliwi, rayon aymaǵındaǵı sociallıq-ekonomikalıq rawajlandırıwǵa qaratılǵan jámiyetlik pikir tiykarında tańlap alınǵan usınıslardı qarjılandırıw hám rayon rawajlanıwın jáne de jedellestiriw hám xalıqtıń bántligin támiyinlew boyınsha islep shıǵılǵan "drayver" joybarlardan nátiyjeli paydalanıw boyınsha ilajlar baǵdarlamaların tastıyıqlaw haqqındaǵı usınısları dodalandı.

Sonday-aq, sessiya kún tártibine turaqlı komissiyalar usınısları boyınsha kirgizilgen máseleler tolıq kórip shıǵılıp, aldaǵı isleniwi tiyis wazıypalar belgilep alındı hám sessiya óz jumısın juwmaqladı.

Slide 1 of 14