Xalq deputatlari Qo‘qon shahar Kengashiga 9-“Shaldiramoq” saylov okrugidan saylangan deputat F.Qaxxarova tomonidan “Shaldiramoq” mahalla fuqarolar yig‘inida ijtimoiy xodim U.Kenjaboyev tomonidan O‘zbekiston Respublikasining “Nogironligi bo‘lgan shaxslarning huquqlari to‘g‘risida”gi O‘RQ-641-sonli Qonuni ijrosini ta’minlash yuzasidan amalga oshirilayotgan ishlar o‘rganildi.

Taqdim etilgan ma’lumotlarga ko‘ra, joriy yilning o‘tgan davrida mahallada 115 ta oila Ijtimoiy reyestrga kiritilgan. Shuningdek, hududda jami 131 nafar nogironligi bo‘lgan fuqaro istiqomat qilishi qayd etilgan. Ulardan 14 nafari I guruh, 93 nafari II guruh nogironligi bo‘lgan shaxslar, 32 nafari esa bolalikdan nogironligi bo‘lgan fuqarolardir.

Mahallada nogironligi bo‘lgan shaxslarni ijtimoiy qo‘llab-quvvatlash, ularning kundalik hayotdagi ehtiyojlarini qondirish va turmush sharoitlarini yaxshilash maqsadida bir qator amaliy ishlar amalga oshirilgan.

Jumladan, ehtiyojmand fuqarolarga 4 ta nogironlik aravachasi, 7 ta hassa, 3 ta eshitish apparati va 2 ta protez ajratilgan. Bundan tashqari, 34 nafar fuqaroga oziq-ovqat mahsulotlari, 15 nafar fuqaroga kiyim-kechak xarid qilish uchun vaucherlar berilgan.

Shuningdek, ijtimoiy yordamga muhtoj 3 nafar fuqaroning uy-joyi ta’mirlab berilgan. Ushbu chora-tadbirlar fuqarolarning zarur ehtiyojlarini qondirish va yashash sharoitlarini yaxshilashga qaratilgan.

О‘rganish davomida ijtimoiy xodim tomonidan nogironligi bo‘lgan shaxslar bilan ishlash, ularning ehtiyojlarini aniqlash hamda qonunchilikda belgilangan huquq va manfaatlarini ta’minlash yo‘nalishida amalga oshirilayotgan ishlar yuzasidan ma’lumotlar tahlil qilindi.

Xalq deputatlari Qo‘qon shahar Kengashi