Xalq deputatlari tuman Kengashi deputati A.Isroilov tomonidan Yangiobod tuman texnikumida yengil konstruksiyali o‘quv ustaxonasi qurilishi holati o‘rganildi.

Bugungi kunda yoshlarni kasb-hunarga o‘rgatish, ularda amaliy ko‘nikmalarni shakllantirish hamda mehnat bozorida talab yuqori bo‘lgan mutaxassislarni tayyorlashda zamonaviy o‘quv infratuzilmasining o‘rni muhim. Shu jihatdan, texnikumda yangi o‘quv ustaxonasining barpo etilishi ta’lim oluvchilar uchun amaliy mashg‘ulotlar imkoniyatlarini kengaytirishga xizmat qiladi.

O‘rganish davomida qurilish ishlarining borishi, yengil konstruksiyali ustaxonaning qurilish holati hamda ishlarning belgilangan talablar asosida olib borilishiga e’tibor qaratildi.

Shuningdek, o‘quv ustaxonasini sifatli barpo etish, qurilish jarayonida belgilangan me’yorlarga rioya qilish va obyektni foydalanishga tayyorlash bilan bog‘liq masalalar yuzasidan mas’ullar bilan fikr almashildi.

Deputatlik nazorati doirasida qurilish ishlarining sifatli bajarilishi, kelgusida ustaxonadan samarali foydalanish hamda o‘quvchilar uchun zarur amaliy ta’lim sharoitlarini yaratish muhimligi ta’kidlandi.

Zamonaviy o‘quv ustaxonasi — nazariy bilimlarni amaliy ko‘nikmaga aylantirish, yoshlarning kasbiy mahoratini oshirish va kelajakdagi bandligiga zamin yaratish yo‘lidagi muhim qadamdir.