Xalq deputatlari Arnasoy tuman Kengashi deputati E. Rajabov o‘ziga biriktirilgan tashkilot bilan hamkorlikda o‘z saylov okrugidagi Yangibo‘ston MFY hududida olib borilayotgan bunyodkorlik va obodonlashtirish ishlarini joyiga chiqqan holda o‘rgandi.

O‘rganish davomida aholi uchun qulaylik yaratish, piyodalar harakatlanishi xavfsizligini ta’minlash hamda hudud infratuzilmasini yaxshilash maqsadida qurilayotgan piyodalar yo‘laklarining barpo etilish jarayoni ko‘zdan kechirildi.

🌳 Shuningdek, aholining bo‘sh vaqtini mazmunli o‘tkazishi, hordiq chiqarishi uchun bunyod etilayotgan dam olish maskanlarining qurilish ishlari, hududni obodonlashtirish va ko‘kalamzorlashtirish yo‘nalishidagi ishlar ham o‘rganildi.

O‘rganish jarayonida fuqarolar uchun yaratilayotgan sharoitlarning qulayligi, piyodalar yo‘laklarining xavfsizligi, dam olish maskanlarining aholiga xizmat qilishi hamda hududdan samarali foydalanish masalalariga alohida e’tibor qaratildi.

Aniqlangan masalalar yuzasidan tegishli tashkilot va mas’ullar bilan fikr almashilib, qurilish ishlarini sifatli tashkil etish, belgilangan talablar asosida amalga oshirish hamda aholi manfaatlarini inobatga olish bo‘yicha tegishli takliflar bildirildi