Qonunchilik targ‘iboti

O‘zbekiston Respublikasining “Nobank kredit tashkilotlari va mikromoliyalashtirish faoliyati to‘g‘risida”gi Qonuni 2021-yil 28-dekabrda Qonunchilik palatasi tomonidan qabul qilinib, 2022-yil 17-martda Senat tomonidan ma’qullangan hamda 2022-yil 20-aprelda O‘RQ–765-son bilan imzolangan. Mazkur qonun nobank kredit tashkilotlari faoliyatini tartibga solish, mikromoliyalashtirish xizmatlari sifatini oshirish hamda moliyaviy xizmatlar iste’molchilarining huquqlarini himoya qilishga qaratilgan.

Qonunga ko‘ra:

💠 Mikromoliya tashkilotlari, lombardlar va ipotekani qayta moliyalashtirish tashkilotlarining huquqiy maqomi belgilandi;
💠 Nobank kredit tashkilotlarini tashkil etish va faoliyat yuritish tartibi aniqlandi;
💠 Moliyaviy xizmatlar iste’molchilarining huquq va manfaatlarini himoya qilish mexanizmlari mustahkamlandi;
💠 Mikromoliyalashtirish sohasida zamonaviy va qulay xizmatlarni rivojlantirish uchun huquqiy asos yaratildi.

Mazkur qonun aholining moliyaviy xizmatlardan foydalanish imkoniyatlarini kengaytirish, tadbirkorlikni qo‘llab-quvvatlash va mamlakat moliya bozorining barqaror rivojlanishiga xizmat qiladi.