"Qamarniso" okrugida “Yashil makon” doirasida amaliy ishlar davom etmoqda

📋 Xalq deputatlari Olmazor tumani Kengashi deputatlari T.Nazarov, I.Sagdullayev boshchiligida va kotibiyat xodimlari hamda Olmazor tuman Ekologiya bo‘limi ma'sul vakillari hamkorligida navbatdagi o‘rganish ishlari amalga oshirildi. O‘rganish jarayonida atrof-muhitni muhofaza qilish va hududlarni obodonlashtirish masalalariga alohida e’tibor qaratildi. Xususan, chiqindilarni yig‘ish va olib chiqish tizimini yaxshilash, qo‘shimcha chiqindi qutilari o‘rnatish, daraxt ekish aksiyalarini tashkil etish va yashil hududlarni kengaytirish bo‘yicha amalga oshirilayotgan ishlar muxokama qilindi.

Shuningdek, fuqarolar murojaatlari asosida piyodalar va transport harakatiga xalaqit berayotgan, elektr tarmoqlariga xavf tug‘dirayotgan yoki sanitariya talablariga javob bermaydigan daraxtlar joyiga chiqib ko‘zdan kechirildi. Aniqlangan holatlar bo‘yicha mutasaddi tashkilotlarga tegishli tavsiyalar berilib, muammolarni bartaraf etish yuzasidan amaliy choralar belgilandi.

🔎 Uchrashuv yakunida bildirilgan taklif va murojaatlarni tizimli hal etish, zarur hollarda deputatlik so‘rovlari yuborish, navbatdagi sessiyalarga hududiy muammolarni kiritish hamda doimiy komissiyalar bilan hamkorlikda nazorat tadbirlarini kuchaytirish bo‘yicha kelishib olindi.
O‘rganishlar davomida hududlarda mavjud daraxtlarning holati, noqonuniy kesilishining oldini olish, qurib qolgan yoki avariya holatidagi daraxtlarni qonunchilik asosida xatlovdan o‘tkazish hamda yashil hududlarni asrab-avaylash masalalariga alohida e’tibor qaratildi.