#poytaxtdeputatlari #deputatlik_faoliyati

❗️DEPUTAT JAMILA SHERMUHAMMEDOVA TALABA-QIZLAR BILAN UCHRASHDI

🏛 Muhammad al-Xorazmiy nomidagi Toshkent axborot texnologiyalari universitetida Xalq deputatlari Toshkent shahar Kengashi deputati Jamila Shermuhammedova ishtirokida talaba-qizlarning dunyoqarashini kengaytirish, mustaqil fikrlash qobiliyatini rivojlantirish hamda ularni ilm-fan va shaxsiy kamolot sari ruhlantirishga qaratilgan ma’naviy-ma’rifiy seminar-trening tashkil etildi.

🔺 Mazkur uchrashuvda deputat Jamila Shermuhammedova o‘zining ko‘p yillik ilmiy, pedagogik va jamoatchilik faoliyati davomida orttirgan bilim hamda hayotiy tajribalari bilan o‘rtoqlashdi.

💡 Uchrashuvning asosiy e’tibori talaba-qizlarning mustaqil fikrlashi, dunyoqarashini kengaytirish, kreativ yondashuv, yetakchilik qobiliyati, motivatsiya hamda ongli qaror qabul qilish ko‘nikmalarini rivojlantirish masalalariga qaratildi.

🌱 Muloqot davomida yoshlarning o‘z salohiyatini to‘g‘ri baholashi, oldiga aniq maqsadlar qo‘yishi, zamonaviy bilim va kasbiy ko‘nikmalarni egallashi, o‘z ustida muntazam ishlashi hamda jamiyat hayotida faol ishtirok etishi muhimligi ta’kidlandi.

👩‍💻 Ayniqsa, axborot texnologiyalari sohasida tahsil olayotgan talaba-qizlarning ilm-fan, innovatsiya, zamonaviy kasblar va tadbirkorlik yo‘nalishlarida o‘z imkoniyatlarini ro‘yobga chiqarishi mamlakatning intellektual salohiyatini yuksaltirishda muhim ahamiyat kasb etishi qayd etildi.

🤝 Deputat Jamila Shermuhammedova yoshlar bilan yuzma-yuz muloqotning ahamiyatiga to‘xtalib, hayotda muvaffaqiyatga erishish uchun nafaqat nazariy bilim, balki mustaqil fikrlash, tashabbuskorlik, mehnatsevarlik va mas’uliyat kabi fazilatlar ham zarurligiga e’tibor qaratdi.

♻️ Shuningdek, bugungi globallashuv va texnologik taraqqiyot sharoitida bilimli, keng dunyoqarashli, tashabbuskor va jamiyat taraqqiyotiga munosib hissa qo‘sha oladigan yoshlarni tarbiyalash ustuvor vazifalardan biri ekani ta’kidlandi.

🔎 Mazkur ma’naviy-ma’rifiy uchrashuv mahalliy Kengash deputatlari faoliyatining eng muhim ustuvor yo‘nalishlari, xususan, yoshlar bilan ishlash samaradorligini oshirish, ularning intellektual salohiyatini rivojlantirish, kasbiy yo‘nalishini belgilashga ko‘maklashish, yoshlar va xotin-qizlar bandligini qo‘llab-quvvatlash vazifalari bilan mazmunan uyg‘un bo‘ldi.

🗣 Seminar-trening talaba-qizlar uchun tajribali ustozning hayotiy qarashlari, ilmiy izlanishlari va kasbiy faoliyati bilan yaqindan tanishish, o‘z oldiga yangi maqsadlar qo‘yish hamda kelajakdagi faoliyatiga mas’uliyat bilan yondashish borasida muhim muloqot maydoniga aylandi.

📝🗣 Xalq deputatlari Toshkent shahar Kengashi deputati Jamila Shermuhammedovaning talaba-qizlar bilan uchrashuvi yoshlarning bilim va tafakkurini yuksaltirish, ularda yetakchilik va tashabbuskorlik fazilatlarini shakllantirish hamda kelajak sari intilishlarini qo‘llab-quvvatlashga qaratildi.

📁 Zero, yoshlarning keng dunyoqarashi, puxta bilimi, qat’iyati va yuksak maqsadlari — jamiyat taraqqiyoti hamda kelajak muvaffaqiyatlarining mustahkam poydevoridir!

📱 Telegram 📱 Instagram 📱 Facebook 📱 YouTube 🔎 E-kengash