Xalq deputatlari Chilonzor tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan O‘zbekiston Respublikasining 2017-yil 3-yanvardagi O‘RQ-419-son “Korrupsiyaga qarshi kurashish to‘g‘risida”gi Qonuni ijrosi o‘rganildi.
O‘rganish ishlari doimiy komissiya raisi Nazirov Madaminjon Ma’rufjon o‘g‘li hamda komissiya a’zosi Xidiyatulina Rima Rashitovna tomonidan Toshkent shahar Sanitariya-epidemiologik osoyishtalik va jamoat salomatligi qo‘mitasi Chilonzor tuman bo‘limida olib borildi.
O‘rganish davomida tashkilotda korrupsiyaning oldini olish, korrupsiyaviy xavf-xatarlarni aniqlash va bartaraf etish, manfaatlar to‘qnashuvining oldini olish hamda xodimlarning qonunchilik talablariga rioya etishi bo‘yicha amalga oshirilayotgan ishlar ko‘rib chiqildi.
Shuningdek, korrupsiyaga qarshi kurashish bo‘yicha profilaktik tadbirlarning samaradorligi, xodimlarning huquqiy bilimlarini oshirish va ichki nazorat mexanizmlarini takomillashtirish masalalariga alohida e’tibor qaratildi.
O‘rganish jarayonida ayrim yo‘nalishlar yuzasidan fikr va takliflar bildirilib, korrupsiyaviy xavflarning oldini olishda tizimli yondashuvni kuchaytirish, mavjud kamchiliklarni o‘z vaqtida bartaraf etish hamda qonun talablariga qat’iy rioya etish zarurligi ta’kidlandi.
Yakunida tashkilot mas’ullariga aniqlangan masalalarni bartaraf etish, korrupsiyaning oldini olishga qaratilgan ishlarni kuchaytirish va qonun ijrosini yanada samarali tashkil etish bo‘yicha tegishli tavsiya va takliflar berildi.