Xalq deputatlari Samarqand shahar Kengashi deputati Davronov Komiljon tomonidan hududdagi ishsiz fuqarolarni ish bilan ta’minlash masalasi yuzasidan Bandlikka ko‘maklashish bo‘limi bilan hamkorlikda amaliy ishlar olib borildi.

Jarayon davomida ishsiz fuqarolarning murojaatlari va mavjud imkoniyatlari o‘rganilib, ularni mos ish o‘rinlariga yo‘naltirish hamda ishga joylashtirish masalalari ko‘rib chiqildi.

Fuqarolarning kasbi, malakasi va qiziqishlaridan kelib chiqib, ularga mos bo‘sh ish o‘rinlarini aniqlash va bandligini ta’minlash bo‘yicha tegishli choralar belgilandi.

Shuningdek, fuqarolarga bandlik va mehnat sohasidagi amaldagi qonunchilik, ishga joylashish tartibi hamda davlat tomonidan yaratilayotgan imkoniyatlar yuzasidan tushuntirishlar berildi.

Ishsiz fuqarolarni doimiy daromad manbai bilan ta’minlash, ularning bandligini oshirish va murojaatlarini amaliy hal etish bo‘yicha ishlar davom ettirilmoqda.

️ Xalq deputatlari Samarqand shahar Kengashi