#_deputat_faoliyati
Fuqaro holidan xabar olindi

Xalq deputatlari tuman Kengashining “5-Guliston” saylov okrugidan saylangan deputat S.Asadovning saylov hududiga kiruvchi Sebzor mahallasida aholi muammolarini o‘rganish doirasida uyida yotib qolgan fuqaro holidan xabar olindi.

O‘rganish jarayonida xalq deputatlari tuman Kengashi deputati M.Zaripova hamda Kengash kotibiyati bosh mutaxassisi A.Nasriddinov ishtirok etdilar.

Tashrif davomida fuqaroning holidan xabar olinib, uning sog‘lig‘i bilan bog‘liq sharoitlari, kundalik ehtiyojlari hamda mavjud muammolari o‘rganildi. Fuqaro bilan samimiy suhbat o‘tkazilib, uning murojaatlari, taklif va istaklari tinglandi.
Bildirilgan murojaatlar tegishli tartibda qayd etilib, ularni hal etish imkoniyatlari o‘rganildi.

Fuqaroga mavjud masalalar yuzasidan tegishli tushuntirish va tavsiyalar berildi.
Shuningdek, aniqlangan muammolarni mas’ul tashkilotlar bilan hamkorlikda bartaraf etish, zarur hollarda amaliy yordam ko‘rsatish hamda murojaatlarning ijrosini nazoratga olish belgilandi.
Aholining, ayniqsa, ko‘mak va e’tiborga muhtoj fuqarolarning holidan xabar olish, ularning murojaatlarini tinglash va muammolariga yechim topish — deputatlik faoliyatining muhim yo‘nalishlaridan biridir.