Xalq deputatlari Chilonzor tuman Kengashi deputati Imomov Sanjarali To‘lqinovich tashabbusi bilan Beshqo‘rg‘on MFY hududidagi ichki yo‘llarni asfaltlash ishlari amalga oshirildi.
Deputat yo‘llarga asfalt qoplamasi yotqizish jarayonining borishini o‘rganish maqsadida hududga chiqib, amalga oshirilayotgan ishlar bilan bevosita tanishdi.
Avval ushbu yo‘llarning qoniqarsiz holati, ayniqsa, yomg‘irli kunlarda suv to‘planishi, quruq kunlarda esa chang ko‘tarilishi natijasida aholi uchun noqulayliklar yuzaga keltirayotgan edi. Bu esa piyodalar va transport vositalarining xavfsiz hamda qulay harakatlanishiga salbiy ta’sir ko‘rsatib kelgan.
Aholining qulay va xavfsiz harakatlanishini ta’minlash, hudud infratuzilmasini yaxshilash hamda obodonlashtirish ishlarini jadallashtirish maqsadida ichki yo‘llarga yangi asfalt qoplamasi yotqizildi.
Mazkur ishlar Beshqo‘rg‘on MFY hududining obodonligini yanada yaxshilash, yo‘l infratuzilmasini rivojlantirish va aholiga munosib hamda qulay yashash sharoitlarini yaratishga xizmat qiladi.