Tadbir davomida shahar Kengashi bilan siyosiy hamkorlikda faoliyat olib borayotgan, Kengashning sessiyalari va doimiy komissiyalari majlislarida faol ishtirok etib, Kengash tomonidan berilgan topshiriqlar hamda deputatlik so‘rovlarini o‘z vaqtida va ijobiy hal etishda amaliy ko‘mak ko‘rsatib kelayotgan rahbarlarga minnatdorlik bildirildi.
Tashakkurnomada ta’kidlanganidek, mas’uliyatli yondashuv, tashabbuskorlik va samarali hamkorlik Kengash faoliyatini yanada takomillashtirish, deputatlar bilan hamkorlikni mustahkamlash hamda aholi murojaatlarini hal etishda muhim ahamiyat kasb etmoqda.
Shuningdek, bunday hamkorlik mahalliy Kengash faoliyatining samaradorligini oshirish, hududdagi dolzarb masalalarni birgalikda hal etish va fuqarolarning qonuniy manfaatlarini ta’minlashga xizmat qilayotgani qayd etildi.
Taqdirlanganlarga mustahkam sog‘lik, oilaviy xotirjamlik, mas’uliyatli va sharafli faoliyatlarida ulkan muvaffaqiyatlar, kelgusi ishlarida omad va zafarlar tilandi.
Samimiy hamkorlik va fidokorona mehnat munosib e’tirof etilishi kelgusida ham ushbu ezgu tashabbuslarni davom ettirishga xizmat qiladi.