Xalq deputatlari Pastdarg‘om tumani Kengashining yig‘ilishida yong‘in xavfsizligi talablarining tumandagi tashkilot va muassasalarda ijro etilishi masalasi muhokama qilindi.
Yig‘ilish davomida O‘zbekiston Respublikasi Vazirlar Mahkamasining 2020-yil 20-oktabrdagi 649-son qarori bilan tasdiqlangan “Yong‘in xavfsizligi qoidalari” talablari asosida tumandagi obyektlarda yong‘in xavfsizligini ta’minlash holatini o‘rganish masalalariga alohida e’tibor qaratildi.
Jumladan, obyektlarda:
🔹 yong‘in xavfsizligi uchun mas’ul shaxslar faoliyati;
🔹 yong‘in signalizatsiyasi va avtomatik yong‘in o‘chirish tizimlarining holati;
🔹 o‘t o‘chirgich va boshqa birlamchi yong‘in o‘chirish vositalari bilan ta’minlanganlik;
🔹 evakuatsiya yo‘llari va evakuatsiya rejalarining mavjudligi;
🔹 elektr va gaz jihozlaridan xavfsiz foydalanish;
🔹 yong‘inga qarshi suv ta’minoti holati;
🔹 avval aniqlangan kamchiliklarning bartaraf etilishi
kabi masalalarni joyiga chiqqan holda o‘rganish zarurligi ta’kidlandi.