Xalq deputatlari Pastdarg‘om tumani Kengashi doimiy komissiyalari hamda biriktirilgan tashkilotlar o‘rtasidagi hamkorlikni mustahkamlash, ularning faoliyatini o‘rganish va mavjud muammolarni aniqlash borasidagi ishlar izchil davom ettirilmoqda.
🚒 Shu doirada xalq deputatlari Pastdarg‘om tumani Kengashi deputati M. Pardayev tomonidan Pastdarg‘om tumani Favqulodda vaziyatlar bo‘limining 18-son yong‘in xavfsizligi bo‘limi faoliyati o‘rganildi.
🔎 O‘rganish davomida Kengash bilan hamkorlik aloqalari, tuman miqyosida favqulodda vaziyatlarning oldini olish va ularning oqibatlarini bartaraf etish borasida amalga oshirilayotgan ishlar, yong‘in xavfsizligini ta’minlash yo‘nalishidagi faoliyat turlari hamda mavjud muammolar ko‘rib chiqildi.
🤝 Shuningdek, aniqlangan masalalar yuzasidan mas’ullar bilan fikr almashilib, mavjud muammolarni bartaraf etish va hamkorlikni yanada kuchaytirish bo‘yicha takliflar bildirildi.