Boysunda bayram yarmarkasi: arzon va sifatli mahsulotlar!

✅ Mustaqilligimizning 35 yilligi munosabati bilan Boysun dehqon (oziq-ovqat) bozorida aholi uchun keng turdagi mahsulotlarni qulay narxlarda xarid qilish imkonini beruvchi bayram yarmarkasi tashkil etildi.

✅ Bugun tuman hokimi B. Shukurov, tuman prokurori U. Begmatova hamda Xalq deputatlari tuman Kengashi deputati B. Qodirov ishtirokida yarmarkadagi savdo jarayonlari, mahsulotlar sifati va narxlarning aholi uchun qulayligi o‘rganildi.

🛒 Yarmarkada kundalik ehtiyoj uchun zarur bo‘lgan oziq-ovqat mahsulotlari hamda boshqa turdagi mahsulotlar savdosi yo‘lga qo‘yilgan. Aholiga sifatli mahsulotlarni hamyonbop va maqbul narxlarda taklif etishga alohida e’tibor qaratilmoqda.

🔎 O‘rganish davomida savdo rastalaridagi mahsulotlarning sifati, narx-navoning barqarorligi, sanitariya talablariga rioya etilishi hamda xaridorlar uchun yaratilgan sharoitlar ko‘zdan kechirildi. Aniqlangan masalalar yuzasidan mas’ullarga tegishli tavsiya va topshiriqlar berildi.

🇺🇿 Bayram yarmarkasi aholining xarid ehtiyojlarini qondirish, bozorda narxlar barqarorligini ta’minlash, sifatli mahsulotlar ta’minotini yaxshilash hamda Mustaqillik bayrami arafasida fuqarolarga qulaylik yaratishga xizmat qilmoqda.