Xalq deputatlari shahar Kengashining navbatdagi rejalashtirilayotgan  sessiyasiga tayyorgarlik ko‘rish, kun tartibidagi masalalarni atroflicha tahlil qilish maqsadida deputatlar tomonidan joylarda dastlabki o‘rganishlar olib borilmoqda.

Xususan, Xalq deputatlari shahar Kengashi deputati Faxriddin Matasimov tomonidan shahar Adliya bo‘limida sessiyadan oldingi dastlabki o‘rganish ishlari tashkil etildi.
O‘rganish davomida:
Adliya bo‘limining joriy yilning o‘tgan 6 oyi davomidagi faoliyati, erishilgan natijalari va yo‘l qo‘yilgan kamchiliklari atroflicha tahlil qilindi.
Aholiga huquqiy xizmat ko‘rsatish sifati, kelib tushgan murojaatlar bilan ishlash holati va qonunchilik hujjatlarining ijrosi yuzasidan mas’ul xodimlar bilan birgalikda tegishli hujjatlar ko‘zdan kechirildi.
Aniqlangan masalalar va ularning yechimlari bo‘yicha o‘zaro fikr almashilib, tegishli tavsiyalar berildi.

Mazkur jarayonda shahar Kengashi kotibiyatidan mas’ul xodim Muhiddin Begmatov ham ishtirok etib, o‘rganishlarning reglament talablariga muvofiq, tizimli tashkil etilishini muvofiqlashtirib bordi.
Dastlabki o‘rganish yakunlari bo‘yicha tahliliy ma’lumotlar va takliflar xalq deputatlari shahar Kengashining navbatdagi sessiyasi muhokamasiga kiritilishi rejalashtirilgan.