Olmaliq shahar “Kamalak” mahallasi hududidagi ichimlik suvi quvurida yorilish (nosozlik) yuzaga kelganligi to‘g‘risidagi murojaat mutasaddilar tomonidan zudlik bilan joyiga chiqqan holda o‘rganildi.
Mazkur holatni joyida ko‘zdan kechirish va muammoni tezkor hal etish maqsadida Xalq deputatlari Olmaliq shahar Kengashi kotibiyati mudiri Sevar Qodirova hamda shahar Suv ta’minoti korxonasi mas’ullari voqea joyiga yetib bordilar.
🛠 Amalga oshirilgan ishlar va nazorat:
Yuzaga kelgan nosozlik sabablari va uning oqibatlarini bartaraf etish choralari mas’ullar ishtirokida atroflicha tahlil qilindi.
Shahar Suv ta’minoti korxonasi mutasaddilariga aholini qisqa fursatda qayta toza ichimlik suvi bilan ta’minlash va ta’mirlash ishlarini sifatli yakunlash bo‘yicha aniq topshiriqlar berildi.

Mazkur masalaning ijrosi Kengash kotibiyati tomonidan qat’iy ijro nazoratiga olindi.