#_deputat_faoliyati
#_24_ta_masala
Fuqarolar murojaatlari – e’tiborda

Xalq deputatlari Sariosiyo tumani Kengashining "19-Olmazor" saylov okrugidan saylangan deputat S.Qurbonov hamda kotibiyat bosh mutaxassisi A.Nasritdinov tomonidan "Anorzor" mahallasida xonadonbay o‘rganish ishlari olib borildi.

Mazkur jarayon davomida mahalla hududidagi xonadonlar holati o‘rganilib, fuqarolar bilan yuzma-yuz suhbatlar tashkil etildi. Suhbatlar davomida aholining ijtimoiy, maishiy va boshqa yo‘nalishlardagi murojaatlari tinglandi hamda ularning taklif va tashabbuslari o‘rganildi.

O‘rganish jarayonida aniqlangan muammolarni bartaraf etish, ehtiyojmand oilalarni qo‘llab-quvvatlash, fuqarolarga amaliy yordam ko‘rsatish va mavjud imkoniyatlardan samarali foydalanish bo‘yicha tegishli vazifalar belgilab olindi.

Shuningdek, fuqarolarga qonunchilikda belgilangan huquq va imkoniyatlari tushuntirilib, murojaatlarni ko‘rib chiqish hamda hal etish yuzasidan mas’ullar tomonidan zarur tavsiyalar berildi.

Xonadonbay o‘rganishlarning asosiy maqsadi -aholi muammolarini joyiga chiqqan holda aniqlash, ularni o‘z vaqtida hal etish, fuqarolar manfaatlarini ta’minlash hamda mahallada ijtimoiy barqarorlikni mustahkamlashdan iborat.