Xalq deputatlari Sardoba tumani Kengashi bosh mutaxassisi L.Toshquvvatov hamda tuman deputati B.Bekmurodov tomonidan Yangiqishloq mahalla fuqarolar yig‘inining Baxmal qishlog‘ida aholi tomonidan kelib tushgan maishiy chiqindilarni o‘z vaqtida olib ketilmayotganligi yuzasidan murojaat joyiga chiqqan holda o‘rganildi.
O‘rganish jarayonida mavjud holat ko‘zdan kechirilib, fuqarolar bilan suhbat o‘tkazildi hamda chiqindilarni o‘z vaqtida tashib ketish bilan bog‘liq muammolar atroflicha muhokama qilindi.
Murojaatda keltirilgan masalani ijobiy hal etish maqsadida mas’ul tashkilotlar ishtirokida tegishli chora-tadbirlarni amalga oshirish, sanitariya va ekologik holatni yaxshilash, aholiga sifatli kommunal xizmat ko‘rsatilishini ta’minlash yuzasidan tegishli tavsiya va topshiriqlar berildi.
Fuqarolar murojaatlarini o‘z vaqtida ko‘rib chiqish, hududlardagi muammolarni joyiga chiqqan holda o‘rganish va ularni bartaraf etishga qaratilgan amaliy ishlar izchil davom ettirilmoqda.