Xalq deputatlari Sardoba tumani Kengashi deputati Jasurbek Umarov tashabbusi bilan Sardoba tumani Ravot mahallasi, Bobur ko‘chasi 18-uyda yashovchi Xabibullayeva Malika Sharof qiziga xayriya ko‘magi ko‘rsatildi.
Jumladan, tayanch-harakat tizimida muammosi bo‘lgan hamda nogironligi mavjud bolalarni qo‘llab-quvvatlash maqsadida “Yurak amri” jamoat fondi tomonidan taqdim etilgan hadya-ehsonlar deputat ishtirokida o‘z egasiga yetkazildi.
Mazkur xayrli tadbirning asosiy maqsadi ehtiyojmand oilalarni har tomonlama qo‘llab-quvvatlash, nogironligi bo‘lgan bolalarning ijtimoiy himoyasini kuchaytirish hamda ularning hayot sifati va kayfiyatini yaxshilashga hissa qo‘shishdan iborat bo‘ldi.
Tadbir davomida bola va uning oila a’zolariga ezgu tilaklar bildirilib, kelgusida ham ularni qo‘llab-quvvatlashga qaratilgan amaliy ishlar izchil davom ettirilishi ta’kidlandi.