Xalq deputatlari Bekobod shahar kengashi 11-“Mustaqillik” okrugi deputati O‘zLiDeP a’zosi E.Abduraxmonovga biriktirilgan kotibiyat bosh mutaxassisi U.Abdunazarov navbatdagi sessiya kun tartibiga kiritilayotgan masalalar bilan mahalla ahlini tanishtirdi. Jumladan, kommunal sohalar ichimlik suvi, issiq suv, elektr energiyasi ta’minoti
holati bo‘yicha hokim o‘rinbosari hisoboti eshitilishi, unda ko‘tariladigan masalalar aytib o‘tildi. Mahalla fuqarolari L.Karimqulova, R.Xolmatova tomonidan “Sirdaryo 11” BSK faoliyatidan qoniqmayotganligi, 16 ta ko‘p qavatli uylarning 9 tasini tom qismidan tomchi o‘tishi, 8 tasining yerto‘la qismida suv borligi, “Obod turmush”
ko‘chasida va “Xos-yoz” kanali bo‘yida tungi yoritish chiroqlari ishlamasligi, 3 ta yangi transformator qo‘yish kerakligi, videokameralar 25 ta o‘rnatilgan bo‘lib, birortasi ishlamasligi, ularni ta’miri bo‘yicha 8,5 mln.so‘m mablag‘ zarurligi to‘g‘risidagi masalani ko‘tardilar. Barcha masalalar deputatning ko‘chama ko‘cha yurish daftariga qayd etilib, doimiy komissiya yig‘ilishida ko‘rib chiqilishi belgilandi.