19¹-modda

🏗 "Ochiq budjet" loyihasi doirasidagi qurilish ishlari deputatlik nazoratida

📌 Xalq deputatlari Sherobod tumani Kengashining 3-Poshxurt saylov okrugi deputati I. Nuriddinov hamda Kengash kotibiyati bosh mutaxassisi Sh. Xo‘janazarov tomonidan 12-son umumta’lim maktabida deputatlik nazorati olib borildi.

📍 Nazorat tadbiri davomida Xalq deputatlari Sherobod tumani Kengashining 2026-yil 7-apreldagi VII-22-48-8-119-K/26-son qarori bilan tasdiqlangan, 2026-yil 1-mavsum “Ochiq budjet” portali orqali o‘tkazilgan ovoz berish yakunlariga ko‘ra g‘olib deb topilgan tashabbuslarni “Fuqarolar tashabbusi jamg‘armasi” mablag‘lari hisobidan moliyalashtirish bo‘yicha amalga oshirilayotgan ishlar joyiga chiqib o‘rganildi.

🔍 O‘rganish jarayonida bajarilayotgan ishlarning borishi, sifati hamda belgilangan talablarga muvofiqligi ko‘zdan kechirilib, mas’ullar bilan amalga oshirilayotgan ishlar yuzasidan fikr almashildi.

✅ Deputatlik nazoratining asosiy maqsadi — ajratilayotgan mablag‘lardan samarali foydalanilishini ta’minlash hamda aholi manfaatlariga xizmat qiluvchi loyihalarning sifatli amalga oshirilishiga ko‘maklashishdan iborat.