Xalq deputatlari Yunusobod tumani Kengashi deputati Voropayeva Natalya Viktorovna tomonidan hududdagi Xalq banki filialida fuqarolar, ayniqsa, pensionerlar va nogironligi bo‘lgan shaxslar uchun xizmat ko‘rsatish sharoitlari o‘rganildi.

✅O‘rganish jarayonida yozning jazirama issig‘ida ko‘plab pensionerlar o‘z pensiya to‘lovlarini olish uchun uzoq vaqt navbat kutishga majbur bo‘layotgani kuzatildi. Bu holat, ayniqsa, yoshi ulug‘ fuqarolar hamda nogironligi bo‘lgan shaxslar uchun jiddiy noqulaylik tug‘dirishi qayd etildi.

👉Shu munosabat bilan deputat tomonidan bank rahbariyati e’tiboriga fuqarolar uchun yanada qulay sharoitlar yaratish, navbatlarni samarali tashkil etish, kutish joylarini soyabon va o‘rindiqlar bilan jihozlash hamda yoshi ulug‘ va nogironligi bo‘lgan fuqarolarga alohida xizmat ko‘rsatish tartibini takomillashtirish yuzasidan taklif va tavsiyalar bildirildi.

🔠Mazkur masala deputatlik nazoratiga olinib, mas’ul tashkilotlar bilan hamkorlikda fuqarolar uchun munosib va qulay xizmat ko‘rsatish sharoitlarini yaratish bo‘yicha ishlar davom ettiriladi.

🇺🇿Xalq deputatlari Yunusobod tumani Kengashi fuqarolarning murojaatlari va ijtimoiy ahamiyatga ega masalalarni doimiy deputatlik nazoratida saqlashda davom etadi.