Mirzo Ulug‘bek tumani “ Al-Farobiy ” mahallasida “Mahallada obodonlik va mehr-saxovat” oyligi doirasida keng qamrovli hashar ishlari amalga oshirildi.

Hashar davomida mahalla hududidagi ko‘cha va yo‘laklar, ariq-zovurlar hamda jamoat joylari tozalanib, hududlarni obodonlashtirish va sanitariya holatini yaxshilash bo‘yicha qator ishlar bajarildi.

Mahalla faollari, nuroniylar, yoshlar hamda fuqarolarning faol ishtiroki bilan hudud yanada ozoda va fayzli ko‘rinishga keltirildi.

Bunday ezgu tashabbuslar aholi o‘rtasida hamjihatlikni mustahkamlash, obod va farovon mahalla muhitini yaratishga xizmat qilmoqda.

Ushbu tadbirlarda Xalq deputatlari Mirzo Ulug‘bek tumani Kengashi kotibiyati bosh mutaxassisi Gulchexra Azizova ham ishtirok etdi.