Xalq deputatlari Sardoba tumani Kengashi deputati B.Bo‘tayev tashabbusi hamda Sardoba tumani Yoshlar ishlari bo‘limi hamkorligida korrupsiyaga qarshi kurashish, jamiyatda qonun ustuvorligini ta’minlash va yoshlarda huquqiy madaniyatni yuksaltirishga bag‘ishlangan seminar tashkil etildi.
Tadbir davomida ishtirokchilarga korrupsiyaning salbiy oqibatlari, uning oldini olish mexanizmlari, davlat va jamiyat taraqqiyotiga ta’siri haqida atroflicha ma’lumotlar berildi. Shuningdek, aholi, ayniqsa yoshlar o‘rtasida halollik, shaffoflik va mas’uliyat tamoyillarini keng targ‘ib qilishning ahamiyati ta’kidlandi.
Seminarda korrupsiyaga qarshi murosasiz munosabatni shakllantirish, huquqbuzarliklarning oldini olish va fuqarolarning huquqiy ongini oshirish bo‘yicha fikr-mulohazalar almashildi. Ishtirokchilar o‘zlarini qiziqtirgan savollarga mutaxassislar tomonidan javoblar oldilar.
Tadbir yakunida korrupsiyaga qarshi kurashish barchaning umumiy vazifasi ekani, bu borada davlat organlari, jamoatchilik va yoshlarning hamkorligi muhim ahamiyat kasb etishi ta’kidlandi.