Xalq deputatlari Sardoba tumani Kengashi deputatlari B.Suyunov hamda Gʻ.Saitboevlar tomonidan Otayurt mahallasida qurilayotgan 13-maktabgacha va maktab ta'limi muassasasida olib borilayotgan qurilish ishlari oʻrganildi.
Oʻrganish jarayonida ob'ektda bajarilayotgan ishlar holati, qurilish sifati hamda belgilangan rejalar ijrosi koʻzdan kechirildi. Shuningdek, qurilish ishlarini oʻz vaqtida va sifatli yakunlash, ta'lim muassasasini zamonaviy talablar asosida foydalanishga topshirish masalalari yuzasidan mas'ullarga tegishli tavsiya va koʻrsatmalar berildi.
Ta'kidlanganidek, mazkur muassasa hududda ta'lim sifatini yanada oshirish va yosh avlod uchun munosib shart-sharoitlar yaratishda muhim ahamiyat kasb etadi.