Xalq deputatlari Zomin tuman Kengashi deputati O.Alimov tomonidan hududda fuqarolar bilan uchrashuv o‘tkazilib, ularning murojaatlari, taklif va tashabbuslari o‘rganildi.

Uchrashuv davomida aholini qiynayotgan dolzarb masalalar, hududni rivojlantirish, ijtimoiy va infratuzilmaga oid takliflar tinglandi hamda ularni hal etish yuzasidan tegishli choralar belgilandi.

O‘rganish natijalari asosida muhim va dolzarb masalalarni navbatdagi xalq deputatlari tuman Kengashi sessiyasi kun tartibiga kiritish, masalalarni muhokama qilish hamda tegishli qarorlar qabul qilish bo‘yicha takliflar tayyorlanmoqda.

Mazkur ishlar deputatlik nazoratini kuchaytirish, fuqarolar manfaatlarini himoya qilish va hududdagi muammolarni amaliy hal etishga qaratilgan.