Xalq deputatlari Zomin tuman Kengashi raisi D.Begmatova hamda Kengash kotibiyati mudiri M.G'oibnazarov tomonidan navbatdagi sessiya kun tartibiga kiritilgan tuman Iqtisodiyot va moliya bo‘limi rahbarining mahalliy budjet ijrosi to‘g‘risida, tuman salohiyatidan kelib chiqqan holda mahalliy budjet daromadlarining qo‘shimcha manbalarini shakllantirish, qo‘shimcha manbalardan foydalanish yo‘nalishlari hamda mahalliy budjet daromadlarini oshirishning aniqlangan rezervlari to‘g‘risidagi hisoboti yuzasidan sessiyaoldi o‘rganish ishlari olib borildi.

O‘rganish davomida hisobotda keltirilgan ko‘rsatkichlarning asoslanganligi, mahalliy budjet daromadlari ijrosi, qo‘shimcha daromad manbalarini shakllantirish bo‘yicha amalga oshirilgan ishlar, mavjud ichki rezervlardan samarali foydalanish holati hamda budjet mablag‘larining maqsadli sarflanishiga oid ma'lumotlar atroflicha tahlil qilindi.

Shuningdek, mazkur masala bo‘yicha tayyorlangan qaror loyihasi, unga ilova qilingan tahliliy va asoslovchi hujjatlar hamda boshqa sessiyaoldi materiallari bilan tanishilib, ularning amaldagi qonunchilik talablariga muvofiqligi ko‘rib chiqildi.

Sessiyada mazkur hisobotni har tomonlama va asosli muhokama qilish, qabul qilinadigan qarorlarning samaradorligini ta'minlash maqsadida aniqlangan masalalar yuzasidan tegishli taklif va tavsiyalar ishlab chiqildi.