Xalq deputatlari Sardoba tumani Kengashi raisi R.Tashpulatov tomonidan Birlashgan mahallasida “Ochiq byudjet” loyihasining 1-bosqichi doirasida amalga oshirilayotgan yo‘llarni asfaltlash ishlarining boshlanishi bilan yaqindan tanishildi.
Mazkur loyiha aholi tomonidan bildirilgan takliflar asosida shakllantirilib, mahalla ichki yo‘llarining holatini yaxshilash, fuqarolar uchun qulay va xavfsiz harakatlanish sharoitlarini yaratishga qaratilgan.
Asfaltlash ishlarining amalga oshirilishi transport qatnovini yengillashtirish, aholining turmush sifati va infratuzilma holatini yana-da yaxshilashga xizmat qiladi.
Tuman Kengashi raisi R.Tashpulatov qurilish ishlarining sifatli va belgilangan muddatlarda bajarilishi muhim ahamiyatga ega ekanligini ta’kidlab, mas’ul tashkilotlarga tegishli tavsiya va ko‘rsatmalar berdi.
Bugungi kunda aholi tashabbuslari asosida amalga oshirilayotgan bunday loyihalar mahallalar infratuzilmasini rivojlantirish, fuqarolarning hayot sifati va farovonligini oshirishda muhim omil bo‘lib xizmat qilmoqda.