Toyloq tumanidagi Nuroniy mahallasida yurtimiz mustaqilligining 35 yillik bayramini munosib kutib olishga qizg‘in tayyorgarlik ko‘rilmoqda.

Bugun erta tongdan tuman hokimi Behzod Raxmatullayev hamda mas’ullar mahallada amalga oshirilayotgan obodonlashtirish ishlari, hududning ko‘rkam qiyofasini ta’minlash borasidagi sa’y-harakatlar bilan tanishdi.

Uchrashuv davomida mahalla hududidagi xonadonlar, tomorqalardan samarali foydalanish holati ham ko‘zdan kechirildi. Aholi bilan suhbatlarda farovon hayot kechirish, oilaviy daromadlarni oshirish va yaxshi yashash uchun, avvalo, mehnat qilish lozimligi ta’kidlandi.

Shuningdek, xonadonlarda mavjud oshxona, tandirxona va hojatxonalarni tartibga keltirish, yashash sharoitlarini yaxshilash har bir fuqaro o‘z xonadoni va atrof-muhitini obod qilishga mas’uliyat bilan yondashishi zarurligi qayd etildi.