Xalq deputatlari Chilonzor tumani Kengashi 8 Charx Kamolon okrugi deputati Maxmudova Donoxon Artikovna tomonidan hududdagi xotin-qizlar bilan uchrashuv tashkil etildi.

Uchrashuvdan ko‘zlangan asosiy maqsad — hududdagi xotin-qizlarning muammolarini bevosita o‘rganish, ularning murojaat, taklif va tashabbuslarini tinglash, shuningdek, mavjud masalalarga amaliy yechim topishga ko‘maklashishdan iborat bo‘ldi.

Muloqot davomida xotin-qizlarning ijtimoiy himoyasi, bandligini ta’minlash, oilaviy farovonligini mustahkamlash, huquq va manfaatlarini himoya qilish hamda ularni qiynab kelayotgan boshqa masalalar atroflicha o‘rganildi.

Deputat tomonidan har bir murojaat va ko‘tarilgan masalaga alohida e’tibor qaratilib, ularni qonunchilikda belgilangan tartibda hal etish yuzasidan tegishli tashkilotlar bilan hamkorlikda zarur choralarni ko‘rish belgilab olindi. Ayrim masalalar bo‘yicha tegishli tavsiya va tushuntirishlar berildi.

Bunday ochiq va bevosita muloqotlar aholi, xususan, xotin-qizlarning muammolarini joyiga chiqqan holda o‘rganish, ularning manfaatlarini ta’minlash hamda deputatlik nazoratini samarali tashkil etishda muhim ahamiyat kasb etadi.

Zero, xotin-qizlarga ko‘rsatilayotgan e’tibor — oilalar farovonligi, jamiyat barqarorligi va yurt taraqqiyotiga qaratilgan e’tibordir.